رضا العميل... أولا!
رضا العميل... أولا!
هلا والله في صفحة الأسئلة الشائعة لمتجر مفتاحي!
بنجاوبك على كل اللي يدور في بالك بخصوص الشراء، التثبيت، والدفع. فريقنا دايم شغال عشان يضمن لك تجربة تسوق سهلة ومريحة.
1. كيف أستلم الطلب؟
بعد ما يتم الدفع، المفتاح يظهر لك مباشرة في الصفحة، ونرسله لك على الواتساب ورسالة نصية (SMS). إذا اخترت التحويل البنكي أو تابي، وقت الاستلام يعتمد على المراجعة لتأكيد التحويل.
2. توصيل المنتجات فوري؟
أغلب المنتجات توصلك فوري، لكن بعض الطلبات المخصصة أو المفاتيح اللي تحتاج تحضير، ممكن تاخذ دقايق أو ساعات قليلة، وما تتجاوز 12 ساعة في أسوأ الحالات. وإذا تأخرنا أكثر من 12 ساعة، لك حق تعويض استرجاع 20% من قيمة الطلب، وإذا مرت أكثر من 18 ساعة، يحق لك استرجاع كامل المبلغ.
3. وش الخطوات اللي أسويها لو ما وصلني المنتج؟
تواصل معنا على الواتساب، وفريق الدعم جاهز يخدمك ويحل المشكلة بأسرع وقت!
4. كيف أثبت البرامج؟
بعد الدفع، يوصلك دليل التثبيت موضح فيه الخطوات بالصور. ومعك فريق الدعم للمتابعة وبنخدمك لين نتأكد أن البرنامج مفعل ومثبت بالطريقة الصحيحة.
5. هل البرامج أصلية وتقبل التحديث؟
أكيد، كل البرامج اللي نوفرها أصلية وتستقبل التحديثات مباشرة من الموقع الرسمي للمنتج، ولا نستخدم الكراكات نهائي.
6. البرامج تستمر وما تتعطل بالمستقبل؟
نعم، برامجنا أصلية وعالية الجودة، وما راح تواجه أي مشاكل تقنية. وإذا صار شيء، فريق الدعم جاهز يساعدك. طالع تقييمات عملائنا وتطمن بنفسك.
7. وش طرق الدفع المتوفرة؟
نقبل كل الطرق: آبل باي، بطاقات ائتمانية، تحويل بنكي، تابي، خدمات مثل PayPal وSTC Pay.
8. فيه ضمان على المنتجات؟
أكيد، كل منتجاتنا تشملها ضمان مفتاحي بلس، والميزة الأهم إن فلوسك ترجع كاملة إذا ما تفعل البرنامج حتى لو كان المفتاح سليم والمشكلة من جهازك! للمزيد من التفاصيل، تفضل بزيارة صفحة ضمان مفتاحي بلس.
9. كيف أقدر أعدل على طلبي بعد الدفع؟
تواصل معنا على الواتساب في أقرب وقت، وإذا فيه إمكانية للتعديل أبشر بنسويه لك، بس خلك متفهم أن هذي منتجات رقمية وصعب التعديل.
10. كيف أقدر ألغي طلبي؟
إذا تبي تلغي طلبك، تواصل معنا على الواتساب أو عبر الإيميل، وعطنا رقم الطلب وسبب الإلغاء، وابشر نلغيه لك. لكن لازم يكون سبب الإلغاء موافق للساسية.
11. أقدر أرجع المنتج بعد استلام الطلب؟
نعم، من حقك تسترجع المبلغ إذا كان المنتج مو مطابق للوصف أو فيه مشكلة. حنا نلتزم نخدمك ونرجع لك كامل المبلغ.
12. كيف أتابع حالة الطلب؟
سجل دخولك لحسابك واضغط على قسم الطلبات، وبتلقى كل التفاصيل عن حالة طلبك.
13. هل الطلب من متجر مفتاحي آمن؟
طبعا، نحرص دايمًا على أمان معلوماتك، وكل تعاملاتك عندنا مشفرة ومحفوظة بأفضل التقنيات.
14. وين ألقى سياسة الخصوصية؟
تقدر تقرا كل التفاصيل عن سياسة الخصوصية في موقعنا، نوضح فيها كيف نجمع ونستخدم ونحمي معلوماتك.
عندك سؤال ما لقيت جوابه؟
لا تشيل هم، تواصل معنا على الواتساب أو الإيميل، وبنجاوبك بكل سعة صدر.